Abrimos o prazo de inscrición para o obradoiro de guión de documentais científicos
Do vindeiro venres 1 de agosto até o domingo 28 de setembro está aberto o prazo de inscripción para o obradoiro de guión de documentais científicos que impartirá o profesor Bienvenido León ao abeiro da Mostra de Ciencia e Cinema os días 20 e 21 de outubro. O curso vaise desenvolver na Sala Cornide do Aquarium Finisterrae en sesións de mañá e tarde (16 horas, en total). O número de prazas ofertadas para o curso é de 40, que se resolverán por rigorosa orde de chegada das solicitudes (exclusivamente por correo electrónico).
Para que a inscrición sexa efectiva, os admitidos deberán ingresar en concepto de matrícula a cantidade de 30 € (20 € se son membros da Asociación de Amigos da Casa das Ciencias) no número de conta da AACC que se lles indicará no mes de setembro. O luns 20 de outubro a organización fará entrega aos asistentes do material do curso (incluído o libro El documental de divulgación científica, de Bienvenido León, até fin de existencias). Pola participación no curso a organización expedirá os correspondentes diplomas acreditativos. O programa do obradoiro detállase neste enderezo (en español).
Os interesados deben enviar un correo electrónico ao enderezo info@cienciaecinema.org indicando os seguintes datos:
Nome e apelidos
Enderezo completo (Rúa, Número, Piso, Código Postal, Localidade e Provincia)
Teléfono de contacto
Correo electrónico
Número de socio da Asociación de Amigos da Casa das Ciencias (se procede)
Coa colaboración de:
