Outros eventos

Estreas de documentais de formato cinematográfico, proxeccións de filmes mudos con acompañamento musical en vivo, teatro científico, exposicións, concertos, presentacións de libros, etc, serán actividades que formarán parte do programa da Mostra, que impulsará a edición de catálogos e publicacións conmemorativas que recollan as ponencias e textos escritos para a ocasión polos diferentes participantes na mesma. A Mostra dará especial importancia á publicación de contidos en Internet que fiquen á disposición de todos os internautas.