Seminario temático

Mentres se celebra a Mostra terá lugar un seminario que contará con conferencias, coloquios e mesas redondas sempre impartidas por expertos na materia. Para a edición de 2008, en vésperas do ano internacional da Astronomía, eliximos como tema “A fascinación polo ceo”, título que engloba de maneira simultánea cuestións astronómicas, astronáuticas, mitos e tradicións, etc. En paralelo transcorrerá un pequeno ciclo de filmes vencellados a ese tema.