Debido a problemas técnicos coa copia que nos proporcionou a distribuidora queda suspendida a proxección da película SON & MOON de Manuel Huerga, prevista para hoxe xoves ás 20:30 no Teatro Rosalía de Castro. O resto da programación de hoxe permanece sen cambios. Desculpen as molestias.
Simultáneamente coa celebración da III Muestra de Ciencia e Cinema na Coruña terá lugar un Seminario de Antropoloxía Visual coa intención de proporcionar aos asistentes unha aproximación aos fundamentos desta materia como técnica e instrumento para a documentación e a comprensión da realidade humana. Os obxectivos de aprendizaxe son:
- Presentar un panorama xeral da Antropoloxía Visual
- Introducir as ferramentas e técnicas básicas da Antropoloxía Visual
- Proporcionar unha experiencia práctica das prácticas da Antropoloxía Visual
- Introducir os elementos básicos da análise etnográfica da documentación visual.
- Desenvolver unha comprensión crítica da aproximación etnográfica ás artes audiovisuais.
- Discutir cuestiones éticas vencelladas coa Antropoloxía Visual
O curso, para o cal foi solicitado 1 crédito de libre configuración na UNED, terá unha duración de catorce horas (catro do Seminario de Antropoloxía Visual e dez horas de visionado de documentais). O seminario teórico contará coa participación de Ilisa Barbash e Lucien Castaing-Taylor, que falarán sobre A antropoloxía visual nos Estados Unidos e a Universidade de Harvard, nunha sesión coordinada e moderada por María Jesús Pena Castro; e Franciso Giner Abati, que explorará A antropoloxía visual en España nun coloquio coordinado e moderado por Luis A. Gárate Castro. Para completar a formación do Seminario Analítico de Antropoloxía Visual e obter o diploma de asistencia ao curso os participantes deberán acreditar o visionado de dez horas de documentais do ciclo Sense and Sensibilia: Obras selectas do Film Study Center e o Sensory Ethnographic Lab de Harvard. Igualmente poderán acreditar tamén o visionado dos filmes programados nas outras seccións da Mostra de Ciencia e Cinema, nomeadamente aqueles marcados como de especial interese antropolóxico. A folla de control será selada nas salas de proxección.
O boletín de inscrición debidamente cumplimentado e o xustificante de pagamento entregaranse en calquera das seguintes sedes da UNED:
Secretaría UNED – A Coruña
R/ Pepín Rivero, 3
15011 A CORUÑA
ou
Secretaría UNED – Ferrol
Rúa María, 52-54
15402 FERROL
O importe da matrícula é de 20 € para público en xeral; e 15 € para os alumnos da UNED, socios da Asociación de Amigos da Casa das Ciencias, socios da ALGA e socios da Agrupación Astronómica Io. Esta actividade está organizada polo Centro Asociado da UNED de A Coruña, a Mostra de Ciencia e Cinema e a Asociación Luso Galega de Antropoloxía Aplicada (ALGA).
Tríptico do Curso de Antropoloxía Visual: PDF, 108 KB
Tríptico co programa e listaxe de proxeccións: PDF, 127 KB
Folla de control de asistencia ao curso: PDF, 87 KB
Nerea Amenedo Míguez (COLEXIO MARISTAS)
Amanda Bravo López (COLEXIO INTERNACIONAL EIRÍS)
Joan Rodríguez Domenech (IES DAVID BUJÁN)
Laura Casas Gorrita (IES OTERO PEDRAYO)
Tatiana Cedeira Costa (IES OTERO PEDRAYO)
Estefanía Fernández Martínez (IES MONELOS)
Isabel Lechuga Varela (IES MONELOS)
Lorena Novás Rodríguez (COLEXIO INTERNACIONAL EIRÍS)
Joan Rodríguez Domenech (IES DAVID BUJÁN)
Nerea Rodríguez Torres (COLEXIO MARISTAS)
Eulalia Pérez Sedeño, Profesora de Investigación, Departamento de Ciencia, Tecnoloxía, Sociedade, CSIC [Presidenta do Xurado]
María Jesús Pena, Profesora de Antropoloxía da Universidade de Salamanca, Presidenta de ALGA, Asociación Luso-Galega de Antropoloxía Aplicada
Joana Barros, coordenadora da Associação Viver a Ciência
Lois Patiño, cineasta
Carlos Muguiro, crítico, programador e cineasta
